بەڕێوەبەرایەتیی پۆلیسی هەولێر رایدەگەیەنێت، لە هەولێر دوو كەس دەستگیركران كە تەقەیان لە خاوەنی ئۆتۆمبێلێكی جۆری لێگزز كردووە و برینداریان كردووە.
بەپێی راگەیەندراوێكی پۆلیسی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە بەشی پۆلیسی شەقڵاوە، بنكەی پۆلیسی سەرمەیدان، دوو تۆمەتباریان دەستگیركرد كە تەمەنیان 20 ساڵ بووە تەقەیان لە ئۆتۆمبێلێكی جۆری لێگزز لە شەقڵاوە کردووە و شۆفێرەکەی برینداربووە.
لەراگەیەندراوەكەدا هاتووە، لە كاتی دەستگیركردنی تۆمەتباران دەستبەسەر چەكی بەكارهاتوو لە جۆری دەمانچەدا گیرا و پەڕاوی لێكۆڵینەوەیان بە پێی ماددە (405 بڕگە 31) لە یاسای سزادان بۆ رێكخرا و ڕەوانەی دادگا كران.
