یانەی تۆتنهامی ئینگلیزی بە نیازە لە مێرکاتۆی هاوینەی 2023دا گرێبەست لەگەڵ ئانسو فاتی واژۆ بکات.
ڕۆژنامەی “موندۆ دیپۆرتیڤۆ”ی کەتەلۆنی ئاشکرایکردووە، کە ئیدارەی یانەی بەرشلۆنە گڵۆپی سەوزیان بۆ خۆرخی مێندێزی لێپرسراوی کارەکانی ئانسو فاتی داگیرساندووە بۆ ئەوەی یانەیەکی نوێ بۆ یاریزانە ئەسمەرەکە بدۆزێتەوە.
مێندێز لەگەڵ هەرسێ یانەی مانچستەر یونایتد، تۆتنهام، بایرن میونشن لەسەرهێڵە، نزیکترینیان یانەی تۆتنهامە.
بەپێی سەرچاوەکە، تۆتنهام ئامادەیی نیشانداوە بڕی (62) ملیۆن یورۆ پێشکەشی بارسا بکات، کە گرانبەهاترین گرێبەستە لە مێژووی یانە ئینگلزییەکەدا، هەروەها بەڵێنیان بە یاریزانەکە داوە کە بەرزترین مووچەی بۆ تەرخان بکەن.
فاتی نایەوێت ڕوو لە دەرەوەی بەرشلۆنە بکات، لە هەمان کاتدا ئیدارەی “ئازولگرانا” بە هیچ شێوەیەک لە پلانیدا نییە بەردەوامی بە تواناکانی بدات، بەوهۆیەوە چاوەڕواندەکرێت کێشە لەنێوان جەمسەرەکاندا دروست ببێت.
