ئیدارەى ڕیاڵ مەدرید پەیوەندی بە بەڕێوەبەری کارەکانی کامافینگاوە کردووە بۆ ئەوەى گفتوگۆکانیان بۆ مانەوەى یاریزانە فەرەنسییەکە دەستپێبکەن.
تیمی ڕاهێنەرایەتی یانەى ڕیاڵ مەدرید پێیوایە ئێستا کامافینگا یەکێکە لە کاریگەرترین یاریزانەکانی ڕیاڵ مەدرید و شانبەشانی ڤینیسیۆس و بنزیمە ڕۆڵی لە هاوسەنگی تیپەکەدا هەیە.
ئیدارەى ڕیاڵ لە ئاستی یاریزانە فەرەنسییەکە ڕازییە و ئامادەیە بۆ دوو ساڵ گرێبەستەکەى درێژ بکاتەوە و چاکسازی لە موچەکەشیدا بکات.
هەموو پێشبینییەکان بۆ ئەوەن لە کۆتایی وەرز نوێکردنەوەى گرێبەستی کامافینگا ڕابگەیەنرێت.
