ئەمڕۆ لە ئیسپانیا چەند یارییەكی دواخراوی لالیگا ئەنجام دەدرێن، لە ئیتاڵیا و فەرەنساش هەفتەیەكی نوێی ڕكابەرییەكان بەڕێوەدەچن.
لە ئیسپانیا كاتژمێر 9:00ی شەو، ئەتلەتیكۆ مەدرید لەدەرەوەی یاریگای خۆی یارییە دواخراوەكەی هەفتەی نۆیەم بەرامبەر گرانادا ئەنجام دەدات.
ڕیاڵ مەدریدیش لە یارییەكی بەهێزدا بەرامبەر ئەتلەتیك بلباو یاریی دەكات.
ڕووبەڕووبونەوەكە لە كاتژمێر 11:30 خولەكی شەو لە یاریگای سان مامێس بەڕێوەدەچێت.
لە یانەی ڕیاڵ مەدرید 10 یاریزان ناتوانن یاریبكەن، كە گرنگترینیان بریتین لە، مۆدریچ، كاسمیرۆ و ئالابا، هەندێكیان بەهۆی كۆرۆنا و هەندێكیشیان بەهۆی كەڵەكەبوونی كارتە زەردەكانیانەوە بێبەش دەبن.
لە خولی ئیتاڵیاش چەند یارییەكی بەهێز ئەنجامدەدرێن، ئینتەر میلان-ی پێشەنگی ڕیزبەندی لە یاریگای خۆی میوانداریی فیۆرێنتینا دەكات، ڕۆما بەرامبەر سامپەدۆریا یاریی دەكات و میلان-یش لە دەرەوەی یاریگای خۆی ڕووبەڕووی ئیمپۆلی دەبێتەوە.
لە فەرەنساش ڕكابەرییەكانی “لیگ ئا” چوونەتە هەفتەی نۆزدەیەم و یانەی پاریس دەبێتە میوانی یانەی لۆریان.
یارییەكانی ئەمڕۆ
ئیسپانیا
گرانادا – ئەتلەتیكۆ مەدرید 9:00
ئەتلەتیك بلباو – ڕیاڵ مەدرید
ئیتاڵیا
ئینتەر میلان – تۆرینۆ 8:30
ڕۆما – سامپەدۆریا 8:30
ئیمپۆلی – میلان 10:45
ناپۆلی – سیبیزا 10:45
فەرەنسا
لۆریان – پاریس سان جێرمان 11:00
مۆناكۆ – ڕین 11:00
بۆردۆ – لیل 11:00
