تیک تۆک لە بەشێکی ئەمریکا بەتەواوی قەدەغەدەکرێت

بەکارهێنانی تیک تۆک گورزێکی نوێی بەرکەوت لەڕووی سنووردارکردنییەوە، لە کاتێکدا ئەنجومەنی ویلایەتی مۆنتانای ئەمریکا یاسایەکی بۆ قەدەغەکردنی بەکارهێنانی تیک تۆک لەو ویلایەتە دەرکرد.

ئەنجومەنی نوێنەرانی ناوخۆیی مۆنتانای ئەمریکا دەنگیدا بە قەدەغەکردنی “ تیک تۆک ” بە کۆی 54 دەنگی بەڵێ، لە بەرامبەر 43 دەنگی نەخێر.

بڕیارە یاساکە رەوانەی پارێزگاری ویلایەتەکە بکرێت، بۆئەوەی پەسەندی بکات و دوای ئەوە راستەوخۆ دەچێتە بواری جێبەجێکردنەوە.

یاساکە کۆمەڵێک بەڵگە سەبارەت بە قەدەغەکردنی دەخاتەڕوو، لەوانە تۆمەتەکانی پەیوەست بە چاودێری لەلایەن حکومەتی چینەوە .

یاسادانەران دەڵێن ئەپەکە هانی چالاکییە مەترسیدارەکان دەدات لەناو هەرزەکاراندا.

بەپێی یاساکە لە ئەپستۆرەوە قەدەغەدەکرێت ئەپڵیکەیشتنی تیک تۆک بەردەستبێت بۆ بەکارهێنەران بەڵام ئەوانەی ئێستا بەکاریدەهێنن رێکاریان بەرامبەر ناگیرێتەبەر.

هەروەها پێشێلکردنی یاساکە دەبێتە هۆی غەرامەکردنی بە بڕی 10 هەزار دۆلار.

نزیکەی نیوەی ویلایەتەکانی ئەمریکا بە مۆنتانا و حکومەتی فیدراڵیشەوە ئەو ئەپڵیکەیشنە لە مۆبایلە حکومییەکان قەدەغە دەکەن، بەڵام بەکارهێنانی ئەپڵیکەیشنەکە لەبەردەستی خەڵکدایە.

بابەتی پێشتر

کەشناسی: بارانبارین کۆتاییدێت و پلەکانی گەرما بەرزدەبنەوە

بابەتی دواتر

یارییە گرنگەکانی ئەمڕۆ شەممە بزانە

بابەتی پەیوەندیدار
زیاتر ببینە

ڤیدیۆ.. پیاوێک لە چین دەکرێتە کیسی تەرمەوە لەکاتی بەخاکسپاردنیدا دەردەکەوێت زیندووە

گرتە ڤیدیۆیەک لە تۆڕە کۆمەڵایەتییەکان لەلایەن هاوڵاتییانی شەنگەهایی چینەوە بڵاودەکرێتەوە، کە تێیدا دەردەکەوێت تیمی بەخاکسپاردنی تووشبووانی کۆرۆنا لەکاتی…
Total
0
Share