بەڕێوەبەرایەتیی كەشناسی و بومەلەرزەزانیی سلێمانی، رێنمایی تایبەت بە چۆنێتیی خۆپاراستن لە هەورەبروسكەی بڵاوكردەوە.
بەپێی رێنماییەكان، پێویستە لە كاتی هەورەبروسكەدا لە رووبەرە ئاوییەكان دووربكەویتەوە و دووركەوتنەوە لە ستوون و تاوەر و درەختەكان بە پێویست دەزانرێت.
بەكارنەهێنانی مۆبایل و ئامێری بێتەل و پچڕاندنی تەزووی كارەبا لە ئامێرە كارەبایی و ئەلیكترۆنییەكان، بەشێكی تری رێنماییەكانن و كەشناسی دەڵێت، “پێویستە بەربەستی هەورەتریشقە بۆ تاوەر و باڵەخانە بەرزەكان دابنرێت”.
بەڕێوەبەرایەتیی كەشناسی و بومەلەرزەزانیی سلێمانی لە رێنماییەكانیدا داوا لە هاوڵاتییان دەكات لەپێناو خۆپاراستنیان لە هەورەبروسكە، لە شوێنە بەرزەكان دووربكەونەوە و لە دەشتاییەكاندا روو لە دۆڵ و نزمایی بكەن.
ئاشكراشیكردووە، مانەوە لە ماڵەوە و دووركەوتنەوە لە پەنجەرە و نهۆمە بەرزەكان پێویستە و ناو ئۆتۆمبێل بە شوێنێكی سەلامەت دادەنرێت لە كاتی هەورەبروسكەدا.
