کۆی گشتیی داهاتی عێراق لە مانگی کانونی دووەمی ئەمساڵ حەوت تریلیۆن دینار بووە، بە لەبەرچاوگرتنی ئەوەی داهاتی نەوت رێژەی 96%ی بودجەی فیدراڵی پێکدەهێنێت.
وەزارەتی دارایی عێراق سەبارەت بە حیساباتی مانگی یەکی ساڵی 2023 داتا و زانیاریی بڵاوکردووەتەوە و دەریدەخات هێشتا نەوت سەرچاوەی سەرەکییە بۆ بودجەی گشتیی عێراق، بڕی داهاتی نەوت لە بودجەی گشتیدا گەیشتووەتە 96%.
لەو خشتە داراییانەوە دەردەکەوێت کە کۆی داهاتەکان لە مانگی یەکی ئەمساڵدا 7 ترلیۆن و 704 ملیار و 682 ملیۆن و 471 هەزار و 813 دینار بووە، دوای ئەوەی داهاتی گواستنەوەیان لێ دەرنەچووە کە بڕی 2 ترلیۆن و 955 ملیار و 608 ملیۆن و 708 هەزار دینار بووە، هەروەها دەریخست کە کۆی خەرجییەکان لەگەڵ پێشینە، بڕی 5 ترلیۆن و 731 ملیار و 312 ملیۆن دینار بووە.
بەپێی خشتەی دارایی، داهاتی نەوت 10 ترلیۆن و 285 ملیار و 546 ملیۆن و 454 هەزار دینار بووە، کە 96%ی بودجەی گشتی پێکدەهێنێت، داهاتی نانەوتیش 374 ملیار و 744 ملیۆن و 725 هەزار دینار بووە.
