ئه‌مشه‌و شه‌ممه، یارییەکانی هه‌فته‌ی (29)ی خولی پله یه‌کی ئیتاڵیا بەردەوامییان هەبوو، یانه‌ی ڕۆما بردنه‌وه‌یه‌کی گرنگی به‌رامبه‌ر تۆرینۆ تۆمارکرد.
یانەی تۆرینۆ له یاریگای خۆیدا “ئۆڵێمپیکۆ دی تۆرینۆ” میوانداریی یانەی ڕۆمای کرد.
یارییەکە به ئه‌نجامی گۆڵێکی بێبه‌رامبه‌ر له به‌رژه‌وه‌ندیی ئەستێرەکانی جوزێ مۆرینیۆ کۆتاییهات.
گۆڵه‌کەی “جێلاڕۆسی” له خوله‌کی هەشت بە لێدانی سزا له‌لایه‌ن پاولۆ دیبالا-وە تۆمارکرا.
بەو بردنەوەیە، یانه‌ی گورگەکانی ڕۆما ژماره‌ی خاڵه‌کانی گه‌یانده (53) و گەڕایەوە پلەی سێیەمی ڕیزبه‌ندیی خولی ئیتاڵیا، هەروەها یانەی تۆرینۆ بە (39) خاڵەوە چووە پلەی دەیەمی ڕیزبەندیی کالچیۆ.
