بافڵ جەلال تاڵەبانی سەرۆكی یەكێتیی نیشتمانیی كوردستان بەبۆنەی هاتنەوەی جەژنی قیامەوە، پیرۆزباییەكی گەرم ئاراستەی خوشك و برا كریستیانەكان لە هەرێمی كوردستان و عێراق دەكات.
لە پەیامەكەی سەرۆك بافڵدا هاتووە، “بەبۆنەی هاتنەوەی جەژنی قیامە، پیرۆزباییەكی گەرم ئاڕاستەی خوشك و برا كریستیانەكان لە هەرێمی كوردستان و عێراق دەكەم و هیوادارم جەژنەكەتان بە دڵخۆشی و كامەرانییەوە بەسەربەرن”.
هەر لە پەیامەكەیدا هاتووە، ” تەبایی و پێكەوەژیانی نێوان نەتەوە و ئایینە جیاوازەكان لە كوردستان، مێژوویەكی دێرین و درەوشاوەی هەیە و هیوادارم هەموومان پێكەوە پارێزگاری لە كەلتووری فرەڕەنگی و قبووڵكردنی جیاوازییەكان بكەین و سیمایەكی گەشتر بە هەرێمەكەمان ببەخشین”.
