حزبی شیوعی رایدەگەیەنێت، فڕۆکەخانەی سلێمانی دەستکەوتێکی گرنگی گەلەکەمانە و پاراستنی لە ئەستۆی هەموومانە.
سوبحی مەهدی، وتەبێژی حزبی شیوعی كوردستان رایگەیاند، فرۆکەخانەی سلێمانی دامەزراوەیەکی مەدەنی و دەستکەوتێکی گرنگی گەلەکەمانە، کە پاراستنی لە ئەستۆی هەموومانە، بەتایبەت لەلایەن هەردوو حکومەتی هەرێم و عێراقەوە.
وتیشی، “وێرای سەرکۆنەکردنی ئەم کارە دوژمنکارانەیە، داواکارین هەموو لایەنە پەیوەندیدارەکان لێی بێدەنگ نەبن و، رێکاری پێویست بۆ رێگریکردن و بەسزاگەیاندنی ئەنجامدەرانی لە ناوەندە نێودەوڵەتییەکاندا بگرنەبەر”.
وتەبێژی حزبی شیوعی هێرشەكە بە کردەوەی دوژمنکاریانە ناودەبات و دەڵێت، بەشێكی بەسود وەرگرتنە لەو کەلێنانەی لەنێوان هێزە سیاسییەکان و هەردوو زۆنی هەرێمدایە، کە دەبێت بکرێنە وانەی یەکێتی و یەکڕیزی لە بەرامبەر نەیاراندا.
