قائیمقامیەتى قەزای ناوەنديى هەولێر بڵاویکردەوە، لێژنەکانی پشکنین و چاودێری سەر بە قائیمقامیەت 10 بەنزینخانەیان بەهۆی ئەنجامدانی سەرپێچییەوە داخست.
لە راگەیەندراوەکەی قائیمقامییەتی هەولێردا ئەوەش هاتووە، بەهۆی فرۆشتنی بەنزینی کوالێتی خراپ و پابەندنەبوونیان بە رێنماییەکان، 10 بەنزینخانەکە جگە لە داخستنیان، سزاش دراون.
ئاماژە بەوەشکراوە، لەماوەی پێنج رۆژدا لە نێوان 24ی شوبات بۆ 29ی شوبات، 108 بەنزینخانە بەسەرکراونەتەوە و پشکنینیان بۆ ئەنجامدراوە.
