نوێنەری مامۆستایانی ناڕازی لە هەولێر رایگەیاند، پشتگیری لە مانگرتنی مامۆستایانی سلێمانی دەکەن.
ژمارەیەک لە نوێنەرانی مامۆستایانی ناڕازی لە شاری هەولێر لە کۆنگرەیەکی رۆژنامەنووسیدا رایانگەیاند، خوێندن نەک لە سلێمانی بەڵکو لە هەولێریش پەکی کەوتووە، کە جگە لەوەی دواکەوتنی مووچە هۆکارێک بووە، خانەنشینبوونی ژمارەیەکی زۆر لە مامۆستایانی هۆکارێکی دیکە بووە.
جەختیشیانکردەوە، پشتگیریی تەواوی داواکاری مامۆستایانی ناڕازی لە سلێمانی دەکەن، سبەینێ یەکشەممە لە هەولێرەوە بەرەو سلێمانی بەڕێدەکەون و لەژێر چادرەکانی مامۆستایانی مانگرتووی سلێمانی دەست بە مانگرتن دەکەن.
