وەزارەتی تەندروستی هەرێم ئاماری 24 كاتژمێری ڕابردووی توشبوون بە كۆرۆنای بڵاوكردەوە و دەڵێت، لەو ماوەیەدا هەزار و 235 توشبووی نوێ تۆماركراون.
بەپێی ڕاگەیەنراوێكی وەزارەتی تەندروستی هەرێم كە ئەمڕۆ سێشەممە 3ی تشرینی دووەم بڵاویكردەوە هاتووە، لەماوەی 24 كاتژمێری ڕابردوودا حەوت هەزار پشكنینی نوێ ئەنجامدراون و لەو ژمارەیە هەزار و 235 توشبووی نوێ تۆماركراون كە بەپێی شارەكان بەمجۆرەیە، (دهۆك 473، هەولێر 453، سلێمانی 210، گەرمیان 42، هەڵەبجە 40 و ڕاپەڕین 17).
بەپێی ڕاگەیەنراوەكە چاكبوون لە نەخۆشییەكە شەش هەزار و 436 كەسە كە لەو ژمارەیە پێنج هەزار و 968 كەسیان چاكبووی یەك مانگی شاری سلێمانی-ن.
هەر لەو ماوەیەدا 23 توشبووی نەخۆشییەكە گیانیان لەدەستداوە كە زۆرترینیان لە هەولێر بووە بە حەوت حاڵەت.
كۆی گشتی توشبووان لە هەرێم گەیشتە 79 هەزار و 451 كەس، كە لەو ژمارەیە 50 هەزار و 294 كەسیان چاكبوونەتەوە و دوو هەزار و 532 كەسیش گیانیان لەدەستداوە.
دەقی ڕاگەیەنراوەكە:
