سەرۆكایەتیی شارەوانیی سلێمانی رایدەگەیەنێت، لە میانی كارەكانی گرنگیدان بە سەوزكردنی زیاتری ژینگەی شاری سلێمانی تیمەكانمان لە بەڕێوەبەرایەتیی باخچەكان سەر بە سەرۆكایەتیی شارەوانیی سلێمانی هەڵمەتێكی بەرفراوانیان بۆ بلواری تووی مەلیك و شەقامی قاسم لۆ و شەقامی بەختیاری ئەنجامدا و ئەوەش لە رێگای چاندنی زیاتر لە 750 دار لە جۆری ئەریزۆنیكا و كاجی مەشهدی.
لە راگەیەندراوەكەدا هاتووە، بە مەبەستی جوانتركردنی سیمای شاری سلێمانی و گرنگیدان بە سروشت و ژینگەی شاری سلێمانی لە ماوەی رابردوو لە هەڵمەتی جیاجیادا توانراوە ڕێژەی سەوزایی زیاتربكرێت.
