بەرەبەیانی ئەمڕۆ شەمەندەفەرێکی نەفەرهەڵگر لە باشووری هۆڵەندا لە هێڵی ئاسنینی خۆی لایدا و بەهۆیەوە زیاتر لە 30 سەرنشین برینداربوون و سەرنشینێکش گیانیلەدەستدا.
ئاژانسی هەواڵی رۆیتەرز بڵاویکردەوە، “بەرەبەیانی ئەمڕۆ لە باشووری هۆڵەندا تیمەکانی چاککردنەوە کاریان لە نۆژەنکردنەوەی هێڵێكی ئاسنیندا کردووە، لەو کاتەدا شەمەندەفەرێکی نەفەرهەڵگر هاتووە و خۆی کێشاوە بە ئامێرەکانی نۆژەنکردنەوەدا”.
ئاماژەی بەوەشکرد، “شەمەندەفەرەکە لانی کەم 50 سەرنشینی هەڵگرتووە، لە رووداوەکەدا زیاتر لە 30 کەس برینداربوون و کەسێکیش گیانیلەدەستداوە و برینی بەشێک لە بریندارەکان سەختە”.
ئاشکراشیکرد، “رووداوەکە لە گوندێکی نزیک لاهای روویداوە، بە زوویی تیمە فریاگوزارییەکان گەیشتوونەتە شوێنی رووداوەکە و بریندارەکانیان بۆ نەخۆشخانە گواستووەتەوە”.
