بەپێی ئامارە فەرمییەکانی سعودیە لە 10 رۆژی یەکەمی ئەمساڵدا نزیکەی 7 ملیۆن و 500 هەزار عەمرەکار سەردانی ئەو وڵاتەیان کردووە.
ساڵح رەشید سەرۆکی جێبەجێکاری دەستەی شاهانەی مەککە ئاشکرایکردووە، “لە 10 رۆژی رابردوودا زیاتر لە حەوت ملیۆن و 400 هەزار کەس سەردانی مزگەوتی حەرەمییان کردووە بۆ ئەنجامدانی عومرە”.
ئاماژەی بە ئەوەش داوە: “عومرەکاران خزمەتگوزارییەکان پێباشە و خزمەتگوزارییەکانی گواستنەوە وێنەی نییە لە هیچ وڵاتێکی دیکەی جیهاندا”.
بۆ رەمەزانی ئەمساڵ وەزارەتی حەج و عەمرەی وڵاتی سعودیە هەر لە سەرەتاوە رایگەیاند، هیچ کەسێک چ لە ناو وڵات و چ لە دەرەوەی سعودیە مافی ئەوەی نییە یەک عەمرە زیاتر ئەنجامبدات، هۆکارەکەشی بۆ ئەوە گەڕاندووەتەوە تاوەکو زۆرترین ژمارەی موسڵمانان بتوانن لە مانگی رەمەزاندا عەمرە بکەن.
