لە شاری ڤانکۆڤەری کەنەدا کەسێک بە ئۆتۆمبێلەکەیەوە خۆیکرد بەناو ئاپۆڕای ئامادەبووانی فێستیڤاڵێکی تایبەت بە فلیپینییەکان و بەهۆیەوە لایەنی کەم 20 کەس بوونە قوربانی.
پۆلیسی ڤانکۆڤەر بڵاویکردەوە، لەدوای کاتژمێر 8:00 ی شەو بە کاتی ناوخۆیی کەنەدا، لە کاتێکدا کۆمەڵێک خەڵك سەرقاڵی سازکردنی فێستیڤاڵی لاپۆ لاپۆ کە تایبەتە بە فلیپینییەکان، کەسێک خۆی کردووە بە ناویاندا و ژمارەیەک کەسی کردووە بە ژێر ئۆتۆمبێلەکەیەوە.
ئاماژەی بەوەشکردووە، لەدوای رووداوەکە شۆفێری ئۆتۆمبێلەکە هەوڵی هەڵاتنی داوە، بەڵام لەلایەن چەند کەسێکی شوێنەکەوە گەمارۆدراوە و رێگای پێنەدراوە بڕوات تا ئەو کاتە پۆلیس گەیشتووەتە شوێنەکە.
ئاشکراشیکرد، لە رووداوەکەدا لایەنی کەم 20 کەس بوونەتە قوربانی، تا ئەو کاتەی لێکۆڵینەوەکانیش تەواودەبن هۆکاری رووداوەکە نازاندرێت چییە.
