ئەمشەو ئاگر لە پاڵاوتگەیەکی سووتەمەنی لەسەر رێگەی گوێر کەوتەوە و لەلایەن تیمەکانی بەرگری شارستانییەوە توانرا کۆنتڕۆڵ بکرێت.
سەرکەوت کارەش وتەبێژی بەرگری شارستانی هەولێر بە تۆڕی میدیایی ئێستای راگەیاند، “ئەمشەو لە گوندی شەمامەر لە گوێر ئاگر لە پاڵاوگەیەکی سووتەمەنی کەوتووەتەوە”.
ئاماژەی بەوەش کرد، “ئاگرەکە لە تانکییەکی فلۆیین کەوتووەتەوە و لەلایەن تیمەکانمانەوە توانراوە کۆنتڕۆڵ بکرێت و هیچ زیانێکی بەدواوە نەبووە”.
وتیشی، “هەر ئەم ئێوارەیە ئاگر لە دوکانێک لە ناحیەی قوشتەپە کەوتەوە، توانرا بە زوویی کۆنترۆڵ بکرێت و جگە لە زیانی ماددی هیچ زیانێکی گیانی بەدواوە نەبووە”.
