بەهۆی فرۆشتنی بەنزینی کوالێتیی خراپ بە شۆفێران، قائیمقامیەتی هەولێر هەشت وێستگەی بەنزینی داخست.
نەبەز حەمید قائیمقامی هەولێر رایگەیاند، بەهۆی فرۆشتنی بەنزینی کوالێتیی خراپ و پابەندنەبوونیان بە رێنماییەكانەوە، هەشت وێستگەی سووتەمەنی (بەنزینخانە) لە شاری هەولێر داخران.
بەپێی راگەیەندراوی قائیمقامی هەولێر، لە کۆی (48) وێستگە کە لە ماوەی پێنج رۆژدا پشکنینیان بۆ کراوە، هەشت وێستگەی سووتەمەنی بەهۆی فرۆشتنی بەنزینی کوالێتیی خراپەوە داخراون.
