سەندیکای ڕۆژنامەنووسان: لە 2021دا گێچەڵی سێکسی بەرامبەر ڕۆژنامەنووسانی ژن زیادیکردووە

سەندیکای ڕۆژنامەنووسانی کوردستان، ئاماری پێشێلکارییەکانی بەرامبەر ڕۆژنامەنووسان و دەزگا ڕۆژنامەوانییەکان لە ساڵی 2021دا بڵاوکردەوە و ڕایگەیاند، لە ساڵی ڕابردوودا حاڵەتەكانی گێچەڵی سێکی بەرامبەر ژنانی ڕۆژنامەنووس زیادیانکردووە.

بەپێی ئامارەکەی سەندیکای ڕۆژنامەنووسان، لە ساڵی 2021دا 79 حاڵەتی پێشێلکاری ئەنجامدراون، ژمارەی ئەو ڕۆژنامەنووس و دەزگا ڕۆژنامەنووسییانەی پیشێلکارییان بەرامبەر کراوە 187 ڕۆژنامەنووس و دەزگا بوون.

حاڵەتەکان بەمشێوەیە بوون، دەستگیرکردنی ڕۆژنامەنووسان 17 حاڵەت، ڕێگەنەدان و جیاکاری 31 حاڵەت، هێرش و سووکایەتی 22 حاڵەت، لێدان چوار حاڵەت، هەڕەشە دوو حاڵەت و داخستنی کەناڵ سێ حاڵەت تۆمارکراون.

سەندیکای ڕۆژنامەنووسان ئاشکرایکرد، کە ئەو ڕۆژنامەنووسانەی پێشێلکارییان بەرامبەر کراوە، 186 ڕۆژنامەنووسیان نێرینە بوون و یەکێکیان مێینە بووە.

بەپێی ئامارەکەی سەندیکا، پێشێلکارییەکان لە پارێزگای هەولێر 33 حاڵەتی پێشێلکاری تۆمارکراون، لە سلێمانی 20 حاڵەت، دهۆک سێ حاڵەت، هەڵەبجە یەک حاڵەت، کەرکوک 17 حاڵەت، خانەقین یەک حاڵەت و ڕۆژئاوای کوردستان سێ حاڵەت تۆمارکراون.

بەپێی بەدواداچوونی سەندیکای ڕۆژنامەنووسان، لە ساڵی 2021دا پێشێلکاریی بەرامبەر ڕۆژنامەنووسانی ژن و گێچەڵی سێکسی زیادیانکردووە.

بابەتی پێشتر

وەزیری تەندروستی: شەپۆلی چوارەمی كۆرۆنا و ئۆمیكرۆن بەهێز و خێرا ‏دەستیپێكردووە

بابەتی دواتر

بڕیاری دەستگیركردن و بردنەبەردەم دادگا بۆ دەیان گەورە بەرپرسی عێراق دەركران

بابەتی پەیوەندیدار
زیاتر ببینە

دۆلار بەرزبووەوە

نرخی دراوەكان بۆ ئەمڕۆ شەممە لە بازاڕەكانی هەرێمی كوردستان بڵاوکرانەوە، نرخی دۆلار بەراورد بە داخستنی بازاڕ لە ڕۆژی…
Total
1
Share