بەڕێوەبەرایەتیی گشتیی تەندروستیی راپەڕین هۆشداری دەداتە سەرجەم خواردنگە و چێشتخانەکان کە هەر شوێنێک شروب بەکاربهێنێت بۆ سوورکردنەوەی خواردنەکان رووبەڕووی یاسای دەکەنەوە.
تەندروستیی راپەڕین وێنەی شروبەکەی بڵاوکردووەتەوە و ناوی PROOLAXـە و بۆ ئازاری گەدە و کێشەکانی ترشەڵۆکی گەدە سوودی لێوەردەگیرێت، وەک لە رەچەتەی زانیاریی شروبەکەدا هاتووە.
لە راگەیەندراوەکەی تەندروستیی راپەڕیندا هاتووە، “ئاگاداری هەموولایەک دەکەینەوە رێگەپێدراو نیە لە هەر چێشتخانە یاخود خواردنگەیەک ئەو جۆرە شروبە بەکاربهێندرێت و بکرێتە ناو رۆن بۆ سوورکردنەوەی بەرهەمە خۆراکیەکان”.
ئاماژە بەوەشکراوە، “لەئەگەری دەست بەسەداگرتنیدا خاوەنی ئەو چێشتخانەیە رووبەڕووی لێپێچینەوەی یاسایی دەبێتەوە، لەبەرئەوەی ئەم شروبە تایبەتە بە ئازاری گەدە و شیاونیە بکرێتە ناو ڕۆنەوە”.
