مام عەبدوڵا پێش هەشت ڕۆژ سامانی كوڕی بەهۆی وەرگەڕانی بەلەمەكەیانەوە لەگەڵ دوو هاوڕێی دیكەی كەوتنە ناو بەنداوی دەربەندیخان و تاوەكو ئێستا تەرمەكەی نەدۆزراوەتەوە، مام عەبدوڵا هەموو ڕۆژێك لەبەیانی زوو تاوەكو ئێوارە لە شوێنی نقومبوونی بەلەمەكە لە چاوەڕوانی هەواڵی دۆزینەوەی تەرمی كوڕەكەیدایە.
ماوەی هەشت ڕۆژە سەرباری گەڕانێكی زۆروچڕ لەناو بەنداوی دەربەندیخان، بەڵام بەهۆی قووڵی و لێڵی ئاوی بەنداوەكەوە تا ئێستا نەتوانراوە تەرمی سامان عەبدوڵا دەربهێنرێت.
