کەشناسیی هەرێمی کوردستان بڵاویکردەوە، ئەمڕۆ و سبەینێ بارانبارین بەردەوام دەبێت و سبەینێ شەستەباران دەبارێت.
بەپێی پێشبینییەکان ئەمڕۆ سێشەممە ئاسمان لە نێوان ساماڵ و نیمچەهەور دەبێت لەدوای نیوەڕۆوە دەگۆڕێت بۆ هەوری تەواو لەگەڵ بارینی باران بەتایبەت لە ناوچەکانی بەشێک لە پارێزگای سلێمانی و گەرمیان و هەندێک لە ناوچە شاخاوییەکان، لە کاتەکانی ئێوارەدا بە گشتی ئاسمان بۆ نیمچەهەور و ساماڵ دەگۆڕێت.
پلەکانی گەرما بەرز دەبێتەوە بە 1-2 پلەی سیلیزی بەراورد بە تۆمارکراوی رۆژی پێشوو.
سبەینێ چوار شەممە، بە گشتی ئاسمان ساماڵ و پەڵەهەورە، بەڵام ناوچە شاخاوییەکانی پارێزگای دهۆک نیمچەهەور و هەوری تەواو دەبێت، ئەگەری بارینی شەستە باران هەیە لە کاتەکانى ئێوارە و شەودا لە بەشێک لە ناوچەکانى بەتایبەت ئاکرێ و شیلادزێ و ئامێدی و بارزان و دێرەلوک بارانبارین هەورە تریشقەشی لەگەڵدا دەبێت.
پلەکانی گەرما بەرز دەبێتەوە بە 1 بۆ 2 پلەی سیلیزی بەراورد لە تۆمارکراوی ئەمرۆ.
