بلومبێرگ: هەرێم و ناوەند نەگەیشتنە رێككەوتن

ئەو شاندەی بە نیازی دەستپێكردنەوەی هەناردەی نەوتی هەرێم سەردانی بەغدادیان كرد، لەگەڵ شاندی حكومەتی ناوەند نەگەیشتنە رێككەوتن و بێ ئەنجام هەمان رۆژ گەڕانەوە، وەك ئەوەی ئاژانسێكی ئەمریكی ئاشكرایكردووە.

ئاژانسی بلومبێرگ بڵاویكردەوە، حکومەتی فیدراڵیی عێراق و بەرپرسانی کورد نەیانتوانی رێکبکەون لەسەر هەناردەكردنی نزیکەی 400 هەزار بەرمیل نەوت لە رۆژێکدا لەڕێی بەندەری جەیهانی توركییەوە.

ئاژانسە ئەمریكییەكە ئەو زانیارییەی لە زاری كەسانی ئاگادار لەو پرسە بڵاوكردووەتەوە.

شاندی هەردوو حكومەت دوێنێ لە بەغداد كۆبوونەوە، دوای ئەوەی رۆژی هەینی حكومەتی توركیا وەرگرتنی نەوتی هەرێمی لە بەندەری جیهان و فرۆشتنی راوەستاند.

بەپێی ئاژانسەكە دوای كۆبوونەوەی هەردوولا و بێئەنجام بوونی، شاندی هەرێمی هەمان رۆژ گەڕاونەتەوە هەولێر.

رۆژی شەممە سایتی (ئارگۆس)ی تایبەتمەند بە بواری بازاڕی وزە رایگەیاند، شەوی رابردوو عێراق بە فەرمی لەلایەن توركیاوە ئاگاداركرایەوە لەوەی لە دۆسیەی هەناردەكردنی نەوتی هەرێمی كوردستاندا، دادگای ناوبژیوانی نێودەوڵەتیی ژووری بازرگانی نێودەوڵەتی لە پاریس لە بەرژەوەندیی عێراق بڕیاریداوە.

هەروەك لە زاری سەرچاوەیەكی ئاگادارەوە رایگەیاند، توركیا لایەنی عێراقی لەوە ئاگاداركردووە كە چیتر رێگەنادات بەبێ رەزامەندی حكومەتی ناوەند، نەوتی هەرێمی كوردستان بگاتە بەندەری جەیهان.

دەشڵێت، “ئەم بڕیارە گورزێكی دیكەیە بەر هەرێمی كوردستانی نیمچە سەربەخۆی عێراق دەكەوێت”.

بابەتی پێشتر

ئاسۆ مامەند: كورد لە كەركوك زیانی زۆری پێدەگات

بابەتی دواتر

سەرچاوەی بۆنە ناخۆشەكەی سلێمانی و دەوروبەری دۆزرایەوە

بابەتی پەیوەندیدار
زیاتر ببینە

پەیامێك لە قوباد تاڵەبانی-یەوە

قوباد تاڵەبانی جێگری سەرۆكی ئەنجومەنی وەزیرانی هەرێم پەیامێكی بەبۆنەی جەژنی قیامەوە بڵاوكردەوە پیرۆزبایی لە كریستیانەكان دەكات. لە پەیامەكەی…
زیاتر ببینە

مریشكی برژاوی کەهرەمانە لە سلێمانی داخرا

لیژنەكانی قائیمقامیەتی سلێمانی خواردنگەی “كەهرەمانە”یان داخست، كە یەكێكە لە ‏پڕفرۆشترینەكانی سلێمانی، پابەند نەبووە بە ڕێنماییە تەندروستییەكانەوە.‏ لەڕاگەیەندراوێکدا قائیمقامیەتی…
Total
0
Share