‘كۆرۆنا بە بەهێزی دەگەڕێتەوە’.. بیڵ گەیتس: گەر ئەمە بكەین كۆرۆنا كۆتایی پێدێت

بیڵ گەیتس، دامەزرێنەری كۆمپانیای “مایكرۆسۆفت” هۆشداری دا لەوەی گەر ڕێوشوێنی پێویست نەگیرێتەبەر، ئەوا كۆرۆنا لە ساڵی 2022دا زۆر بە بەهێزی دەگەڕێتەوە.

لە دیدارێكدا لەگەڵ تۆڕی هەواڵی (سی ئێن ئێن)، بیڵ گەیتس ڕایگەیاند، “هێشتا بڵاوبوونەوەی كۆرۆنا لە ئاستێكی مەترسیداردایە و پێویستە ڕێوشوێنی پێویست بگیرێتەبەر بۆ ڕێگریكردن لە زیاتر تەشەنەسەندنی.”

وتیشی، “پێویستە خۆپارێزی بكرێت و لە ئەمریكا چەند شوێنێك دابخرێن، بەڵام ئەگەر كارنەكەین بۆ كۆتاییهێنان بە كۆرۆنا لە وڵاتانی تریشدا، ئەوا پەتاكە لە ساڵی 2022دا زۆر بە بەهێزی دەگەڕێتەوە.”

لە دیدارەكەدا دامەزرێنەری كۆمپانیای “مایكرۆسۆفت” باسی لەوە كرد كە گرنگترین كار بۆ كۆنترۆڵكردنی كۆرۆنا، ئەوەیە “لە چوار مانگ تا شەش مانگی سەرەتای ساڵی 2021دا، هەموو هەوڵێك بدرێت بۆ ڕێگریكردن لە زیاتر بڵاوبوونەوەی ڤایرۆسەكە لەڕێگەی بەكارهێنانی ڤاكسین و خۆپارێزی، بەوشێوەیەش كۆرۆنا كۆتایی پێدێت.”

بیڵ گەیتس كە دامەزرێنەری كۆمپانیای “مایكرۆسۆفت”ـە و یەكێك لە گەورەترین ملیاردێرەكانی جیهان، بەر لە چەند ساڵێك لە ڤیدیۆیەكدا هۆشداری دابوو بەوەی “لە چەند ساڵی داهاتوودا پەتایەكی وێرانكەر جیهان دەتەنێت.”

بابەتی پێشتر

مەسرور بارزانی پەیامێك لەبارەی شەڕی یەپەگە و پێشمەرگە بڵاودەكاتەوە

بابەتی دواتر

جەنگى ناوخۆ هەڵدەگیرسێت؟

بابەتی پەیوەندیدار
زیاتر ببینە

دوای مایکرۆسۆفت، گوگڵیش هۆشداری لەبارەی هێرشە ئەلیکترۆنییەکانی ئێران دەدات

کۆمپانیای گوگڵ هۆشداریدەدات لە زیادبوونی چالاکییەکانی گروپە هاککەرەکانی سەر بە ئێران، ڕاپۆرتێکی کۆمپانیاکە مەترسیی هەڵمەتی هێرشە ئەلیکترۆنییەکانی ئەو…
زیاتر ببینە

تونس.. تەرمی 20 کۆچبەر دۆزرانەوە

حکومەتی تونس ئاشكرایكرد، ڕۆژی پێنجشەممەی ڕابردوو تەرمی 20 کۆچبەری ئەفریقییان لە كەناراوەكاندا دۆزیوەتەوە كە بەهۆی ژێرئاوكەوتنی بەلەمەكەیانەوە خنكاون.…
Total
16
Share