نزیكەی 1300 كەس لە قوربانییانی بومەلەرزەكەی باكووری كوردستان و توركیا ناسنامەكانیان نەناسراونەتەوە و نازانرێت كێن.
ئامارەكە وەزارەتی ناوخۆی توركیا بڵاویكردووەتەوە و دەڵێت، “زیاتر لە 50 هەزار كەس بەهۆی بومەلەرزەكەوە گیانیان لەدەستداوە”.
لە راگەیەندراوێكی ئەمڕۆ شەممەی وەزارەتی ناوخۆی توركیادا هاتووە، “1297 كەس لە قوربانییانی بومەلەرزەكە ناتوانرێت ناسنامەكانیان دیاریبكرێن”.
ئاشكراشیكردووە، 170 تیم و 461 كەس راسپێردراون بۆ دیاریكردنی ناسنامەی قوربانییەكانی بومەلەرزەكە و بەدەر لەو 1297 كەسە، تا ئێستا ناسنامەی 3755 قوربانی لە رێگەی پەنجەمۆرەكانیانەوە ناسنامەكانیان ئاشكراكراون.
