سەرۆکایەتیی شارەوانی سلێمانی پەیوەست بە دۆخی کەشوهەوای چەند ڕۆژی ڕابردوو ئاگادارییەکی بڵاوکردەوە.
سەرۆکایەتیی شارەوانی سلێمانی ڕایگەیاند، ئاگاداری هاوڵاتییانی سنووری ماستەرپلانی شاری سلێمانی دەکەین، بەپێی پێشبینییەکانی بەڕێوەبەرایەتیی کەشوهەوا و بومەلەرزەزانیی هەرێمی کوردستان، شەپۆلێکی چڕی بارانبارین هەرێمی کوردستان بە گشتی و پارێزگای سلێمانی بە تایبەت دەگرێتەوە، بۆیە داواکارین لە هاوڵاتییان لە ئەگەری ڕوودانی دۆخی نەخوازراودا پەیوەندی بە سەنتەری فریاگوزاریی خێراوە بکەن بە ژمارە 100.
