شارەزایەكی كەشناسی رایدەگەیەنێت، سبەی تەرزە و تاوەباران چەند ناوچەیەك دەگرێتەوە.
سیروان ساڵح شارەزای كەشناسی رایگەیاند، كاریگەریی ناوچەی پەستان نزمی خەماسینی بەردەوامە تاوەكو دوو ڕۆژی داهاتوو كە سبەینێ یەكشەممە ناوبەناو ئەگەری باران و هەورەبروسكە هەیە و بڕی بارانەكە بەپێی شوێن دەگۆڕێت لەبەر تاوەبارانی بەهاری بە گشتی لە ناوچەكانی گەرمیان ئەگەری بڕی بارانبارین لەنێوان دوو تاوەكو پێنج ملیمە و لە ناوچە كوێستانییەكانیش لە نێوان چوار تاوەكو هەشت ملیمە.
ئاماژەی بۆ ئەوەش كردووە، لە چەند ناوچەیەكی كەمی دیارینەكراویش ئەگەری تەرزە هەیە، هەندێك كات خێرایی با زیاد دەكات لەگەڵ ئەگەری خۆڵبارینی لاواز تاوەكو مامناوەند، رۆژی سێشەممەی ناوەڕاستی ئەم هەفتەیە و كاریگەریی ناوچە پەستان نزمە خەماسینیيە درێژخایەنەكە كۆتایی دێت.
