بافڵ جەلال تاڵەبانی، سەرۆكی یەكێتیی نیشتمانیی كوردستان لە دەباشان پێشوازی لە فایەق زێدان، سەرۆكی ئەنجومەنی باڵای دادوەریی عێراق كرد.
لە دیدارێكدا كە رەفعەت عەبدوڵا، بڕیاردەری دەستەی كارگێڕی و خالید شوانی، ئەندامی مەكتەبی سیاسی و نزار ئامێدی، وەزیری ژینگەی عێراق ئامادەبوون، دوایین ئەگەر و پێشهاتە سیاسییەكانی وڵات تاوتوێكران و جەخت لە پاراستنی سەقامگیری و چەسپاندنی یاسا كرایەوە.
هەر لە دیدارەكەدا سەرۆك بافڵ جەلال تاڵەبانی پشتیوانی تەواوی یەكێتی بۆ تێپەڕاندنی بەربەستەكان، گەشەپێدانی دامەزراوەكانی دەوڵەت و خزمەتكردنی زیاتر دووپاتكردەوە و رایگەیاند، “پشتگیری تەواوی بڕیارە یاسایی و دەستوورییەكانی ئەنجومەنی باڵای دادوەری دەكەین لەپێناو رووبەڕووبوونەوەی گەندەڵی و سەروەریی یاسا لە وڵاتدا”.
