سەرۆكی یەكێتی نیگەرانی لەبارەی رووداوەكەی زەینی وەرتێ دەردەبڕێت و هاوخەمی بە كەسوكاری قوربانییان دەگەیەنێت.
بافڵ جەلال تاڵەبانی، سەرۆكی یەكێتیی نیشتمانیی كوردستان لە پەیامێكدا رایگەیاند، رووداوە دڵتەزێنەکەی زینی وەرتێ لە دڵەوە نیگەرانیکردین.
هەروەك پرسە و هاوخەمی قووڵی خۆی ئاڕاستەی مام چەتۆ ئاغای مامەند دێڵزەیی و خانەوادە تێکۆشەرەکەی دەکات و دەڵێت، “هاوبەشی ئەم خەمە گەورەیەین”.
بافڵ جەلال تاڵەبانی دەشڵێت، لەخوای گەورە داواکارم رۆحی کۆچکردووان شاد بکات و هیوای زوو چاکبوونەوە بۆ بریندارەکان دەخوازم.
شەوی رابردوو رووداوێكی هاتوچۆ لە زەینی وەرتێ روویدا و تیایدا بەهۆی وەرگەڕانی ئۆتۆمبێلێكەوە پێنج كەس گیانیان لەدەستدا.
