بەڕێوەبەرایەتییەک دەرگای دامەزراندن دەکاتەوە

بەڕێوەبەرایەتیی کاروباری شەهیدان و ئەنفالکراوان دامەزراندنی ژمارەیەک فەرمانبەر بەشێوەی گرێبەست رادەگەیەنێت.

لە راگەیەندراوێکدا بەڕێوەبەرایەتیی گشتیی کاروباری شەهیدان و ئەنفالکراوانی راپەڕین ئاشکرایکرد، ژمارەیەک فەرمانبەر بە شێوەی گرێبەست دادەمەزرێنن.

بەپێی راگەیەندراوەکە، دامەزراندنەکە بۆ كەسوكاری پلەیەكی شەهیدی سەنگەر و جینۆسایدكراوانە بۆ ( كوڕ، كچ، هاوسەر، خوشك و برا)یە.

ئاماژە بەوە کراوە، لە ئەمڕۆوە 13/3/2023  بۆ ماوەی یەك هەفتە خۆتۆمارکردن بەردەوام دەبێت تاكو  کاتژمێر 12:00ی نیوەڕۆی 20/3/2023.