ئەمڕۆ ئەنجومەنی وەزیرانی عێراق بۆ گفتوگۆکردن لەبارەی رەشنووسی پڕۆژەیاسای بودجەی 2023وە کۆدەبێتەوە.
نووسینگەی راگەیاندنی سەرۆکی ئەنجومەنی وەزیرانی عێراق بڵاویکردەوە، ئەنجومەنی وەزیران بە سەرۆکایەتیی محەمەد شیاع سودانی کۆدەبێتەوە و دانیشتنەکە تایبەت دەبێت بە گفتوگۆکردن لەبارەی رەشنووسی پڕۆژەیاسای بودجەی فیدراڵی.
دوێنێ یەکشەممە تەیف سامی وەزیری دارایی عێراق تەواوبوونی بودجەی فیدراڵی بۆ ساڵی 2023 راگەیاند و وتی، رەشنووسەکە بەمەبەستی گفتوگۆکردن و دەنگدان لەسەری رەوانەی ئەنجومەنی وەزیران دەکرێت.
