رێباز مەهدی محەمەد ناسراو بە رێباز فری ستایڵ، گەنجێکی کوردی خەڵكی کەلارە، ماوەی نۆ ساڵە یاریزانی جووڵەی ئازاد “فری ستایڵ”ـە و جووڵەی سەرنجڕاكێش بە تۆپ دەكات.
رێباز دەڵێت، “چوار جار ناوم چووەتە كتێبی گینسەوە بۆ یاریی ناسراو بە فری ستایڵ و دووەم باشترین یاریزانی فری ستایڵم لەسەر ئاستی بەریتانیا”.
گەنجە كوردەكە ساڵانێكە نیشتەجێی بەریتانیایە و ئێستاش گەڕاوەتەوە بۆ كەلار و نمایشی وەرزشی دەكات و جەختدەكاتەوە، ئامانجی زیاتر ناساندنی ئەو شێوازی یاریكردنەیە بە گەنجان بۆ ئەوەی كورد بە شێوەیەكی پیشەگەرانە وەرزشی (جووڵەی ئازاد) بكەن.
