بەڕێوەبەرایەتیی گشتیی کارەبای سلێمانی، شۆفێران لە دوو پڕۆژە ئاگاداردەكاتەوە و داواكارە هاوكاریانبن.
لە ئاگادارینامەیەكدا كە ئەمشەو بڵاویكردووەتەوە، بەڕێوەبەرایەتیی گشتیی کارەبای سلێمانی دەڵێت، “ئاگاداری شۆفێرانی ناوشاری سلێمانی دەکەین کە سبەینێ یەكشەممە، لە کاتژمێر نۆی بەیانی لە بەشی سێیەمی پڕۆژەی تۆڕی رووناکیی شەقامی سالم و لەسەر پردی چوارڕێیانی سەرچنار بە ئاراستەی رۆیشتن بۆ دەرەوە کاردەکرێت”.
بەڕێوەبەرایەتیی گشتیی کارەبای سلێمانی لە ئاگادارینامەكەیدا داوا لە شۆفێران دەکات هاوکاریی تیمەکانیان بکەن بە مەبەستی جێبەجێكردنی كارەكان.
