به تۆمهتی تهشهیر و ناوزڕاندنی هاوڵاتییان لە تۆڕەکۆمەڵایەتییەکان، مهفرهزهكانی بنكهی پۆلیسی سهیدسادقی سهر به بهشی پۆلیسی سهیدسادق سێ تۆمهتباریان دهستگیركرد.
بەڕێوەبەرایەتیی پۆلیسی سلێمانی بڵاویکردەوە، “دوای ئهوهی چهند هاوڵاتییهك سكاڵای یاساییان تۆماركرد كه له تۆڕه كۆمهڵایهتییهكان تهشهیر و سوكایهتییان پێدهكرێت و ناویان دهزڕێنرێت، دهستبهجێ هێزەكانی پۆلیس لێكۆڵینەوە و بەدواداچوونەكانیان بۆ دۆزینهوه و دهستگیركردنی تۆمهتبار دەستپێكرد، پاش وهرگرتنی بڕیاری دادوهر، مهفرهزهكانی بنكهی پۆلیسی سهیدسادقی سهر به بهشی پۆلیسی سهیدسادق توانیان تۆمهتباران بدۆزنهوه و دهستگیریان بكهن”.
ئاماژەی بەوەش کرد، “تۆمهتباران بە ناوەکانی (ئـ، ئـ ع – هـ، هـ، ش – ش، س، ع) دانیان بهتاوانهكهیاندا ناوه و لە ئێستادا بە بڕیاری دادوەر و بەپێی ماددەی دوو ی خراپ بەکارھێنانی ئامێرەکانی پەیوەندیکردن راگیراون و لێكۆڵینەوەكان لەگەڵیاندا بەردەوامە”.
