لە دوای دواخستنی بەهۆی ئەو شەپۆلی بارانبارینەی چەند رۆژی رابردوو سلێمانی گرتەوە، بڕیارە سبەینێ یەکشەممە فێستیڤاڵی زانستی و تەکنەلۆجی زانکۆی پۆلیتەکنیک بەڕێوەبچێت.
سەرۆکایەتی زانکۆی پۆلیتەکنیکی سلێمانی بڵاویکردەوە،”سبەینێ یەکشەممە زانکۆی پۆلیتەکنیکی سلێمانی بە هاوکاریی پلاتفۆڕمی ئین سلێمانی و بە بەشداری خوێندکارانی زانکۆ گەورەترین فێستیڤاڵی زانستی و تەکنەلۆجی ئەنجامدەدات”.
فێستیڤاڵەکەی زانکۆی پۆلیتەکنیک لە کاتژمێر 10:00ی بەیانی لە کەمپی کۆلێجە تەکنیکیەکانی چوارچرا بەڕێوەدەچێت.
