لەماوەی 24 كاتژمێری رابردوودا 104 ملیم باران لە سلێمانی باریوە، ئاستی بارانیش لە شارەكە بەراورد بە ساڵی رابردوو لە 100 ملیم زیاترە.
ئاسۆ كەمال، بەڕێوەبەری كەشناسی و بومەلەرزەزانیی سلێمانی بە تۆڕی میدیایی ئێستای راگەیاند، تەنها لەماوەی 24 كاتژمێری رابردوودا 104 ملیمەتر باران لە سەنتەری شاری سلێمانی باریووە.
وتیشی، “تائێستا رێژەی بارانبارین لە سلێمانی گەیشتووەتە 450 ملیم، ساڵی پار تا ئەمكاتە 340 ملیم باریبوو”.
زۆرترین رێژەی بارانبارینی 24 كاتژمێری رابردوو لە قەرەداغ بووە كە نزیكەی 200 ملیم باریوە. كۆی بارانبارینی ئەمساڵ لەو ناوچەیە 710 ملیم بووە.
