ئێدین هازارد لە دوایین کۆبوونەوەی لەگەڵ بەڕێوەبەرانی ڕیاڵ مەدرید دووپاتیکردووەتەوە، تاوەکو کۆتایی گرێبەستەکەی (هاوینی 2024) لە مەدرید بەردەوام دەبێت.
تۆڕی “ئەتلەتیک” نووسیویەتی، لە کۆبوونەوەی نێوان هازارد و ئیدارەی ڕیاڵ مەدرید، بەڕێوەبەرانی شاهانە داوایانلێکردووە لە کۆتایی ئەم وەرزەدا یانەیەکی نوێ بۆخۆی بدۆزێتەوە و بڕوات، بەڵام یاریزانەکە جەختی لەوە کردووەتەوە، کە بەهۆی خێزانەکەیەوە لە مەدرید دەمێنێتەوە و ناڕوات.
🚨 Eden Hazard veut honorer son contrat avec le Real Madrid qui se finit en 2024.
Tu veux pas t’en aller espèce de GROS poison ! 130 il a coûté on remarque plus son absence à celui-là 😒@MarioCortegana pic.twitter.com/UX5gf5SMsi
— Actualité merengue (@Lamaisonblanca) March 8, 2023
بەپێی سەرچاوەکە، هازاردی تەمەن (32) ساڵە ماوەیەکە کوڕەکەی لە ئەکادیمیای ڕیاڵ مەدرید تۆمارکردووە، جگە لەوەش هاوسەر و خێزانەکەی بە ژیانکردن لە مەدرید بەختەوەرن و ئامادەنین گۆڕانکاری بکەن.
یاریزانەکە هەفتانە بڕی (450) هەزار یورۆ مووچە وەردەگرێت، ئیدارەی “لۆس بلانکۆس” داوایانلێکردووە بەلایەنی کەمەوە مووچەکەی کەمبکاتەوە، بەوپێیەی لە ڕووی وەرزشییەوە هیچ سوودێکی بۆ پێکهاتەکانی کارلۆ ئەنچیلۆتی نەبووە.
