بەیانیی ئەمڕۆ هەوڵێکی دزیکردن لە یەکێک لە بانکە حکومییەکانی عێراق شکستی پێهێنرا و دزەکەش دەستگیرکرا.
میدیا عێراقییەکان بڵاویانکردەوە، رووداوەکە لە یەکێک لە بانکە حکومییەکانی پارێزگای نەجەف روویداوە.
ئاماژە بەوەکراوە، کەسێک بڕە پارەیەکی لە سەردانکەرێک دزیوە لەناو بانکی رافیدەین لە ناوچەیەکی کۆنی پارێزگای نەجەف.
هێزە ئەمنییەکان توانیویانە دزییەکە ئاشکرابکەن و تۆمەتبارەکەش هەر لەناو بانکەکەدا دەستگیر بکەن.
