کەمێک لەمەوبەر کۆبوونەوەی دەزگای هەڵبژاردنی یەکێتی و پارتی لە مەکتەبی سیاسی یەکێتی لە شاری هەولێر دەستیپێکرد.
پەیامنێری تۆڕی میدیایی ئێستا گواستییەوە، “کەمێک لەمەوبەر شاندی پارتیی دیموکراتیی کوردستان گەیشتنە مەکتەبی سیاسی یەکێتی لە شاری هەولێر و کۆبوونەوەکەیان دەستیپێکرد”.
ئاماژەی بەوەش کرد، “شاندەکەی یەکێتی پێکهاتوون لە رزگار حاجی بەرپرسی دەزگای هەڵبژاردن و زیاد جەبار سەرۆکی فراکسیۆن و دوو ئەندامی دیکەی دەزگای هەڵبژاردن، شاندەکەی پارتیش پێکهاتوون لە رێبوار یەڵدا سەرۆکی دەزگای هەڵبژارد، زانا مەلا خالید سەرۆکی فراکسیۆن و هاوار محەمەد بەرپرسی یاسایی دەزگای هەڵبژاردن”.
ئاشکراشیکرد، “کۆبوونەوەکەی ئەمڕۆ دووەمین کۆبوونەوەی هەردوولایە لەبارەی هەمواری یاسای هەڵبژاردنەکان”.
