دوای نیوەڕۆی ئەمڕۆ سێشەممە، لە ناحیەی ئامرلی لە باشووری قەزای خورماتوو بۆمب بە چەکدارانی حەشدی شەعبیدا تەقیوەتەوە.
مەهدی تەقی ئامرلی، ئەندامی لیژنەی ئاسایش و بەرگری لە ئەنجومەنی نوێنەران و یەكێك لە فەرماندەكانی حەشدی شەعبی لە سنوورەكە بە ئێستای راگەیاند، بۆمبێك لەسەر رێگەی گشتی بە ئۆتۆمبێلی چەكدارانی حەشدی شەعبیدا تەقیوەتەوە و تا ئێستا ئاماری وردی قوربانییەكان بەردەستنییە.
بەپێی زانیارییەکانی تۆڕی میدیایی ئێستا، بەهۆی تەقینەوەكەوە چەکدارێکی حەشدی شەعبی کوژراوە و دوو چەكداری تریان برینداربوون.
