سەرچاوەیەكی دارایی تایبەت بە ئێستا ئاشكرایكرد، رۆژی چوارشەممە هەشتی ئازار، دەست بە دابەشكردنی مووچەی مانگی شوبات دەكرێت.
بەپێی زانیارییەكان، وەزارەتی دارایی و ئابوری سەرەتا لیستی دابەشكردنی مووچەی یەك هەفتە بڵاودەكاتەوە بە بیانووی نەبوونی پارەی پێویستە بۆ دابەشكردنی مووچەی تەواوی وەزارەت و دەستە و دامەزراوەكان.
سەرچاوەكەی دارایی لە لێدوانەكەیدا بۆ تۆڕی میدیایی ئێستا رایگەیاند، “ئەگەر بەو شێوەیەش لیستی مووچە بڵاوبكرێتەوە، ئەوا پێش تەواوبوونی دابەشكردنی مووچەی ئەو هەفتەیە، لیستی مووچەی وەزارەت و شوێنەكانی دیكە رادەگەیەندرێت”.
دواكەوتنی دابەشكردنی مووچەی مانگی شوبات، سەرباری ئەوەیە كە مانگی رابردوو دوای كۆتاییهێنان بە دابەشكردنی مووچە، 90 ملیار لە داهات مایەوە.
