وەزارەتی كشتوكاڵ، هاوردەكردنی مریشكی راگرت و هۆكارەكەی ئاشكرادەكات.
محەمەد خوزاعی وتەبێژی وەزارەتی كشتوكاڵی عێراق دەڵێت، بەهۆی بڵاوبوونەوەی ئەنفلۆنزای باڵندەوە، هاوردەكردنی مریشك لە توركیا، رۆمانیا، نەمسا و بۆلیڤیاوە قەدەغەكراوە.
وتەبێژی وەزارەتی كشتوكاڵی عێراق جەختدەكاتەوە كە چەندین حاڵەتی تووشبوون بە ئەنفلۆنزای باڵندە لەو وڵاتانە تۆماركراون و لە لێدوانێكی رۆژنامەوانیدا رایگەیاند، “ئەو پەلەوەرانەی لە بازاڕەكاندا هەن، سەرجەمیان پشكنینیان بۆ كراوە و دەركەوتووە مەترسییان لەسەر نییە”.
خوزاعی دووپاتیشیكردەوە كە “قەدەغەكردنی هاوردەكردنی مریشك، بە هیچ جۆرێك نابێتەهۆی بەرزبوونەوەی نەرخەكەی لە بازاڕدا و وەزارەتی كشتوكاڵ كار بۆ ئەو ئامانجە دەكات”.
