بەپێی زانیارییەكانی تۆڕی میدیایی ئێستا یەكێك لەو كەسانەی هێرشیكردە پۆلیسێكی هاتوچۆی كەركوك دەستگیركرا.
ئەمڕۆ یەكشەممە، پۆلیسی كەركوك بڵاویكردووەتەوە، یەكێك لەو كەسانەی هێرشیكردووەتە سەر پۆلیسی هاتوچۆی كەركوك دەستگیریان كردووە، جەختدەكاتەوە هیچ كەسێك لە سەرووی یاساوە نییە و دەستبردن بۆ هێزی ئەمنی هێڵی سوورە.
جێی ئاماژە بۆكردنە، شەوی 24ی ئەم مانگە لە گەڕەكی شۆرجەی كەركوك دوو كەس هەڵدەكوتنە سەر پۆلیسی هاتوچۆ و بە كلكە دەمانچە لێی دەدەن و دواتر بە ئۆتۆمبێلەكەیان دەیانەوێت هەڵبێن و لە بازگەی كاتیی هاتوچۆش ئۆتۆمبێلەكە نەوەستاوە.
