وەزارەتی دارایی هەرێم روونكردنەوەیەك لەبارەی دواكەوتنی مووچەی 68 فەرمانبەری گرێبەست لە وەزارەتی بازرگانی و پیشەسازی بڵاودەكاتەوە كە پێشتر لەسەر داهاتی كەپەك خەرجكراوە.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، سەبارەت بەدواكەوتنی مووچەی 68 فەرمانبەری گرێبەست لە وەزارەتی بازرگانی و پیشەسازی كە پێشتر مووچەكانیان لە سەر داهاتی كەپەك خەرج دەكرا تائێستا نووسراوەكەیان لە وەزارەتی بازرگانی و پیشەسازی نەگەیشتۆتە وەزارەتی دارایی تا كاری پێویستی لەسەر بكرێت.
لە راگەیەندراوەكەدا هاتووە، لەبەر ئەو هۆكارە بەڕێوبەرایەتیی گشتیی ژمێركاری لە وەزارەتی دارایی و ئابوری بەرپرسیار نییە لە دواكەوتنی مووچەی ئەو فەرمانبەرانە.
