کەشناسیی هەرێمی کوردستان باری کەشوهەوای ئەمڕۆ و سبەینێی بڵاوکردەوە، بەپێی پێشبینییەکان کەش سبەینێ کڕێوە و نمەباران دەبێت.
بەڕێوەبەرایەتیی گشتیی کەشناسیی هەرێمی کوردستان رایگەیاندووە، ئەمڕۆ پێنجشەممە ئاسمان ساماڵ و پەڵەهەور دەبێت، پلەکانی گەرما هاوشێوەی رۆژانی پێشوو دەبێت.
هەروەها سبەینێ هەینی ئاسمان نیمچەهەور دەبێت لە ناوچە شاخاوییەکان بۆ هەوری تەواو دەگۆڕێت، لە درەنگانی شەو ئەگەری کەمێک کرێوە و نمەباران هەیە بەتایبەت لە ناوچە شاخاوییە سنوورییەکانی باکووری رۆژهەڵات.
پلەکانی گەرماش بە 1 بۆ 2 پلە بەرزدەبێتەوە.
