لە ناوچەیەكی باشووری خانەقین مینێكی چێندراو تەقییەوە و بەهۆیەوە شوانكارێك برینداربوو.
رووداوەكە نیوەڕۆی ئەمڕۆ لە نزیك مەزارگەی باوە مەحمود لە باشووری قەزای خانەقین روویداوە.
پەیامنێرمان لە گەرمیان پێیڕاگەیاندین، شوانكارێك برینداربووە، ژمارەیەك مەڕوماڵاتیشی مرداربوونەتەوە.
گوماندەكرێت مینەكە لەلایەن پاشماوەی چەكدارانی داعش لە ناوچەكە دانرابێت، پەیامنێرمان وای وت.
ئەوەشی وت، بەهۆی جموجوڵەكانیانەوە لەماوەی رابردوودا هێزە ئەمنییەكان بەهاوكاریی هێزەكانی هاوپەیمانیی نێودەوڵەتی هەڵمەتێكی گەڕان و كێوماڵیان ئەنجامدا و ژمارەیەك لە چەكدارانی گروپەكەیان كوشت.
