وەزارەتی دارایی و ئابوریی هەرێمی کوردستان رایدەگەیەنێت، لیستی مووچەی مانگی یەکی مووچەخۆرانی هەرێمی کوردستان رادەستی بەغداد کرا.
وەزارەتی دارایی و ئابوریی هەرێمی کوردستان لە راگەیەندراوێکدا بڵاویکردەوە، رۆژی سێشەممە، لیستی مووچەی مانگی کانوونی دووەمی فەرمانبەران و مووچەخۆرانی هەرێمی کوردستان، لەلایەن تیمی تەکنیکیی وەزارەتی دارایی و ئابوریی هەرێمی کوردستانەوە رەوانەی بەغداد کرا.
ئاماژەی بەوەشکرد، بڕیارە سبەی چوارشەممە، لیستەکە رادەستی فەرمانگەی ژمێریاریی وەزارەتی دارایی حکومەتی فیدراڵ بکرێت.
