حکومەتی کەنەدا بڕیاریدا رێوشوێنەکانی پێدانی مافی پەنابەرێتی بۆ هاوڵاتییانی ئێرانیی نیشتەجێی وڵاتەکەی ئاسان بکات.
حکومەتی کەنەدا لە راگەیەندراوێکدا بڵاویکردەوە، “ئەو ئێرانیانەی لە ناو وڵاتەکەماندان و دەیانەوێت درێژە بە مانەوەیان بدەن، رێوشوێنە یاساییەکانیان لەسەر ئاسان دەکەین”.
ئاماژەی بەوەش کرد، “پەنابەرە ئێرانییەکان دەتوانن داوای مۆڵەتی کارکردن بکەن و راهێنان لە هەر بوارێکدا بکەن کە خۆیان ئارەزووی دەکەن، جگە لەوەش لە بەشێک لە باجی خوێندنیان خۆشدەبین”.
ئاشکراشیکرد، “بڕیارەکە لە ژێر رۆشنایی ئەو دۆخەیە کە لە ئێراندا دەگوزەرێت و لە سەرەتای مانگی داهاتوو دەچێتە بواری جێبەجێکردنەوە”.
