ئەنجومەنی ئاسایشی نێودەوڵەتی ڕۆژی سێشەممەی داهاتوو لە بارەی دۆخی عێراقەوە كۆبوونەوەیەك ئەنجامدەدات.
بەپێی بەیاننامەیەكی ئەنجومەنەكە تێیدا هاتووە، ڕۆژی سێشەممەی داهاتوو، ئەنجومەنی ئاسایشی نێودەوڵەتی كاتژمێر 3 بە كاتی نیویۆرك لەبارەی دۆخی عێراقەوە كۆبوونەوەیەك ئەنجامدەدات و دۆخی سیاسی و ئەمنيی عێراق تاوتوێدەكات.
ئاماژە بەوە كراوە، جینین هێنیس پلاسخارت، نێردەی تایبەتی نەتەوەیەكگرتووەكان لە عێراق وتارێك پێشكەشدەكات و باس لە دوایین پێشهاتە سیاسی و ئەمنییەكانی عێراق دەكات.
